Një person ka mbetur i plagosur nga të shtënat me armë zjarri, sonte rreth orës 21:00, në rrugën “Abedin Rexha”, në Klinë, raporton Gazeta Sinjali.

Gazeta Sinjali mëson se i plagosuri është Valentin Balaj nga fshati Rixhevë i Klinës.

Zëdhënësi i policisë për rajonin e Pejës, Driton Rugova, tha për Sinjalin se i plagosuri është dërguar për tretman mjekësor në Spitalin Rajonal të Pejës.

Policia e Kosovës ka arritur që të arrestojë një person të dyshuar për këtë plagosje.

“Sot, rreth orës 21:00, në rrugën ‘Abedin Rexha’, ka ndodhur një plagosje me armë zjarri. Viktima e plagosjes është dërguar me autoambulancë në Spitalin Rajonal të Pejës, për trajtim të mëtutjeshëm mjekësor. Ndërsa, personi i dyshuar është arrestuar nga njësitë relevante të stacionit policor në Klinë”, tha Rugova./Gazeta Sinjali/