Naim Jakaj nga Instituti për Politika Sociale “Musine Kokalari”, ka publikuar një formulë se si do të mund të ndahen komisionet parlamentare në legjislaturën e re, të paktën, deri në këto momente kur ka përfunduar numërimi i të gjitha votave, shkruan Gazeta Sinjali.
Jakaj përmes një postimi në Facebook, thotë se gjithçka mund të ndryshojë, meqë ndarja e komisioneve bëhet pasi të konfirmohet madhësia e grupeve parlamentare, e që bëhet disa ditë para se të ndahen ato.
Postim i Jakajt:
1. Kuvendi do t’i ketë 14 komisione parlamentare (sipas praktikës që është ndryshuar me seancë plenare);
2. LVV do t’i kryesojë 7 komisione parlamentare;
3. PDK dhe LDK do t’i kryesojnë nga dy komisione parlamentare;
4. L. Serbe do ta kryesojë një komision parlamentar;
4. Komunitetet tjera joshmicë do ta kryesojnë një komision parlamentar.
Dy komisione parlamentare, sipas dispozitave të Rregullores së Kuvendit, do t’u takojnë opozitës: Komisioni për mbikëqyrjen e Financave Publike dhe për Mbikëqyrjen e AKI-së u takojnë opozitës. Për këtë çështjen partitë opozitare vendosin me marrëveshje ose me short. Zgjedhja për të dy komisionet bëhet në fund të përzgjedhjes në përgjithësi të komisioneve.
p.s në tabelën e mëposhtme, është përfshirë në mënyrë hipotetike, një grup parlamentar nga komunitetet e tjera joshumicë, sipas praktikës së mëhershme. Pra, ai grup ka qenë 6+, por meqenëse tash ka ndryshime të tjera, përzgjedhja dhe numri i komisioneve mund të ndryshojë në momentin e fundit.
