image Kuvendi mban të enjten seancën e parë pas pushimit, këto janë pikat e rendit të ditës

Politikë

Kuvendi mban të enjten seancën e parë pas pushimit, këto janë pikat e rendit të ditës

news image

Kuvendi i Kosovës pritet të mbajë seancën e parë të sesionit vjeshtor, pas kthimit të deputetëve nga pushimi, raporton Gazeta Sinjali.

Seanca e cila është planifikuar të mbahet të enjten, do të fillojë nga ora 10:30 dhe gjatë saj pritet të votohen disa pika të papërfunduara të seancave të kaluara.

Këto janë pikat e rendit të ditës të cilat pritet të votohen në këtë seancë:

  1. Votimi i Propozim-Rezolutës lidhur me menaxhimin e Pandemisë COVID-19, të propozuar nga Grupi Parlamentar i Lëvizjes Vetëvendosje.
  2. Votimi i rekomandimeve lidhur me menaxhimin e Pandemisë COVID-19, të propozuar nga Grupi Parlamentar i Partisë Demokratike të Kosovës.
  3. Votimi i Propozim – Rezolutës nga debati parlamentar për situatën financiare të Telekomit të Kosovës, pas lejimit të përmbarimit të Vendimit Përfundimtar OEN nr 20990/MHM, të Gjykatës Ndërkombëtare të Arbitrazhit pranë Dhomës së Tregtisë dhe Industrisë në Paris, të propozuar nga Grupi Parlamentar i Lëvizjes Vetëvendosje.
  4. Votimi në parim i Projektligjit për Mbrojtjen e Vlerave të Luftës së Ushtrisë Çlirimtare të Kosovës.
  5. Votimi në parim i Projektligjit nr 07/L-016 për Rimëkëmbjen Ekonomike – COVID-19./Gazeta Sinjali/