Të martën, me fillim prej orës 11:00, Kuvendi i Kosovës do të mbajë seancë të jashtëzakonshme, shkruan Gazeta Sinjali.
Sipas një dokumenti, që e ka siguruar Sinjali, shihet se në rend të ditës është shqyrtimi dhe miratimi i vendimit të Qeverisë për Masat Emergjente për kufizim të furnizimit me energji.
Për thirrjen e kësaj seance kanë nënshkruar 40 deputetë, të gjithë nga radhët e Vetëvendosjes.
Qeveria e Kosovës dje mori vendim për masat emergjente, të cilat pritet të zgjasin deri në 60 ditë, por njëherë duhet të miratohen nga deputetët e Kuvendit.
