Kryeministri i Kosovës, Albin Kurti, ka reaguar sërish për sulmin terrorist të ndodhur dje në Banjskë të Zveçanit, duke thënë se Serbia duhet të mbahet përgjegjëse për sponsorizonim e kësaj dhune terroriste, raporton Gazeta Sinjali.
Kryeministri Kurti në platformën “X”, ka publikuar disa fotografi të armëve që i përkisnin grupit terrorist të cilat i konfiskoi Policia e Kosovës, e të cilat i ekspozoi sot para mediave.
Në këtë reagim të tij, Kurti tha se autorët e këtij sulmi nuk ka dyshim se kanë qenë me mbështetje nga Serbia, e cila duhet të mbahet plotësisht përgjegjëse.
”Këto armë dhe pajisje të nivelit ushtarak – të sekuestruara nga Policia e Kosovës. Operacioni antiterror i pas sulmit të djeshëm – nuk lini vend për dyshime: Autorët vepruan jo vetëm, por me mbështetjen e shtetit. Serbia duhet të mbahet plotësisht përgjegjëse për sponsorizonim e dhunës terroriste në territorin e Kosovës”, ka shkruar Kurti në Twitter.
These military-grade arms & equipment—seized in @Kosovo_Police's anti-terror operation after yesterday's attack—leave no room for doubt: The perpetrators acted not alone but w/ state backing. Serbia must be held fully accountable for sponsoring terrorist violence on 🇽🇰 territory. pic.twitter.com/hbFHiV1rMe
— Albin Kurti (@albinkurti) September 25, 2023
Njëjtë deklaroi edhe presidentja e vendit, Vjosa Osmani e cila u shpreh se “veprimet terroriste dhe akti i agresionit” janë të orkestruara dhe të mbështetura nga Beogradi.
“Veprimet e tilla përbëjnë cenim të sovranitetit dhe integritetit territorial të Republikës së Kosovës dhe për këto veprime duhet sanksionuar Serbinë”, tha ajo.
