Kryeministri Albin Kurti ka njoftuar në Twitter për telefonatën që ka pasur mbrëmë me Këshilltarin në Departamentin Amerikan të Shtetit, Derek Chollet.
Ai tha se në bisedën me të i ka thënë që planin e BE-së e ka pranuar si bazë të mirë për bisedime, derisa ka shtuar se Kosova është e përkushtuar për marrëdhënie të mira fqinjësore.
“Mbrëmjen e kaluar me Këshilltarin Special Derek Chollet u diskutua për rëndësinë e ecjes përpara në dialog bazuar në propozimin e BE-së, i pranuar si një bazë e mirë për bisedimet e mëtejshme. Si vendi më demokratik në rajon, Kosova është e përkushtuar për marrëdhënie të mira fqinjësore, si dhe integrim në BE dhe NATO”, ka shkruar Kurti.
