image Kurti do të takohet me Vuçiqin, në praninë e Merkelit dhe Macronit në Slloveni - Sinjali

Kurti do të takohet me Vuçiqin, në praninë e Merkelit dhe Macronit në Slloveni

news image

Kryeministri i Kosovës, Albin Kurti, ka bërë të ditur se do të takohet me presidentin e Serbisë, Aleksandar Vuçiq, në pauzën mes dy sesioneve të Samitit që po mbahet në Bërdo të Sllovenisë.

Në këtë takim do të marrin pjesë edhe kancelarja gjermane, Angela Merkel dhe presidenti i Francës, Emanuel Macron.

Serbia nuk e njeh Kosovën, Kosova nuk e njeh Serbinë, dhe ne kemi nevojë për një marrëveshje”, citohet të ketë thënë kryeministri Kurti.

Kryeministri Kurti ka thënë se njohja reciproke është e nevojshme sepse është e vetmja mënyrë për vendosjen e paqes, stabilitetit dhe sigurisë në Ballkan.

Këtë takim mes kryeministrit Kurti dhe presidentit të Serbisë, Aleksandar Vuçiq, e ka paralajmëruar dje ky i fundit përmes një konference për media.

“Pres që nesër Merkel dhe Macron të na ulin enkas mua dhe Kurtin për të biseduar”, ka thënë dje Vuçiq. /GazetaSinjali/


Shpërndaje artikullin

Etiketat kryesore: