Asambleja Kombëtare e Francës ka miratuar partneritetin mes Francës dhe Katarit për sigurinë gjatë Kupës së Botës e cila fillon më 21 nëntor.
Parisi duhet të dërgojë të paktën 220 ekspertë francezë të specializuar në luftën kundër dronëve, huligalizmit, çminimit dhe në kërkimin e eksplozivëve, raporton “L’Equipe”.
“Roli ynë me këtë marrëveshje nuk është të mbrojmë Katarin apo ta hedhim në gjyq, por të promovojmë interesat e Francës dhe të garantojmë mbrojtjen e vizitorëve”, siguroi deputetja Amelia Lakrafi, ndërsa opozita kritikoi vendimin e marrë nga parlamenti.
