Pas protestës së sotme të PSD-së kundër shtrenjtimit të rrymës, ku morën pjesë një numër i madh i qytetarëve, Nol Nushi i ka ngacmuar ata që talleshin me numrin e anëtarëve të kësaj partie.
Në shumë postime në rrjete sociale, jo rrallëherë janë tallur me PSD-në, duke shkruar se një picë familjare do t’u mjaftonte gjithë partisë.
“Ku janë qato pica familjare që i përmenshit?”, ka shkruar Nushi në Facebook.
Kryetari i Partisë Socialdemokrate, Dardan Molliqaj, është lajmëruar në rrjete sociale pas protestës që mbajtën sot te objekti i Qeverisë, kundër shtrenjtimit të rrymës.
Ai ka paralajmëruar edhe protesta, aksione e tubime të tjera, derisa ka bashkëngjitur disa fotografi nga protesta e sotme.
