Kryetari i Komunës së Ferizajt, Agim Aliu, sot për festën e Kurban Bajramit, ka uruar të gjithë besimtarët myslimanë për këtë ditë të sakrificës.

Ai u ka kujtuar qytetarëve se këto ditë janë janë të pazakonta për shkak të pandemisë dhe pamundësisë për të bërë vizitat familjare.

“Në këto ditë të pazakonta, diktuar nga e panjohura që po rrezikon shëndetin e të gjithëve pa dallim, dëshiroj që në këtë ditë të sakrificës, lartësimit të saj para Krijuesit, dashurisë e dijeve që mban të forta rrënjët tona në besim, t’iu uroj Festën e Kurban Bajramit”, ka shkruar Aliu në Facebook./ Gazeta Sinjali/