Drejtori i Shërbimit Spitalor Klinik Universitar të Kosovës, Valbon Krasniqi, ka njoftuar se deri më tani janë identifikuar vetëm tri raste të variantit të ri të COVID-19, shkruan Gazeta Sinjali.

Sipas Krasniqit, Kosova ende nuk i ka kapacitetet që t’i konfirmojë variantet e reja të koronavirusit, teksa bëri të ditur se deri më tash nuk kanë vërejtur ndonjë ashpërsim të gjendjes së pacientëve.

“Deri më tash kemi dërguar në Gjermani 30 mostra, kemi 3 raste me variantin e ri, që të tre janë shëruar dhe nuk kanë pasur pasoja serioze, ndërkohë që nuk kemi konfirmim me raste të reja. Por, Kosova ende nuk ka kapacitetet e veta vetanake për t’i identifikuar këto variante”, tha ndër të tjera Krasniqi në RTV21./Gazeta Sinjali/