image Konjufca mirënjohës për përkrahjen e Finlandës ndaj Kosovës

Politikë

Konjufca mirënjohës për përkrahjen e Finlandës ndaj Kosovës

news image

Kryetari i Kuvendit, Glauk Konjufca, ka falënderuar ambasadoren e Finlandës në Kosovë, Pia Stjernvall, për bashkëpunimin gjatë shërbimit të saj si ambasadore në vendin tonë.

“Duke i dëshiruar suksese në angazhimet e radhës, kryetari Konjufca është shprehur mirënjohës për kontributin e ambasadores Stjernvall në shumë fusha e projekte konkrete dhe forcimin e marrëdhënieve ndërmjet Kosovës dhe Finlandës”, thuhet në njoftimin për media.

Konjufca po ashtu ka vlerësuar përkrahjen e Finlandës në proceset e shtetndërtimit demokratik të Kosovës dhe fuqizimit të subjektivitetit të saj ndërkombëtar.

Ndërsa, ambasadorja Stjernvall ka vlerësuar marrëdhëniet e mira ndërmjet Finlandës dhe Kosovës, duke konfirmuar njëherësh avancimin e mëtejmë të bashkëpunimit të ndërsjellë në të mirë të dy popujve dhe vendeve tona mike. 

/GazetaSinjali/