Sot pritet të mbahet seanca për votimin e Vjosa Osmanit në postin t presidentit të Kosovës. E pak orë para fillimit të seanës, Osmani bashkë me u.d të presidentit Glauk Konjufcën dhe kryeministrin Albin Kurti, janë takuar në ambientet e presidencës.
Ata u bënë bashkë pasi që pritën në një takim udhëheqësit e shoqatave të autizmit në Kosovë, duke përfshirë prindër dhe fëmijë me autizëm, në Ditën Ndërkombëtare të Autizmit.
Vetëvendosje sot ka filluar mbledhjen e nënshkrimeve për mbajtjen e seancës së jashtëzakonshme që pritet të mbahet për votimin e Vjosa Osmanit në postin e presidentit të Kosovës.
Për zgjedhjen e Osmanit presidente, në votim duhet të marrin pjesë të paktën 80 deputetë, ku Vetëvendosje duhet t’i sigurojë 15 votat e deputetëve të Lidhjes Demokratike të Kosovës.
Në rast se kuvendi nuk arrin që të zgjedhë presidentin e ri të vendit në tri raunde votimi, atëherë vendi shkon në zgjedhje të jashtëzakonshme.
