Komuna e Kamenicës ka vendosur që t’i mbështesë prindërit me nga 200 euro për foshnjat e porsalindura, raporton Gazeta Sinjali.

Lajmin e ka bërë të ditur kryetari i kësaj komune, Qëndron Kastrati, i cili tha se lindja dhe rritja e fëmijëve është sfidë dhe përgjegjësi e madhe.

“Krijimi i familjes është një nga vendimet më të rëndësishme për çdo çift. Lindja dhe rritja e fëmijëve, është lumturi por edhe përgjegjësi e sfidë e madhe. Sa më të vështira kushtet ekonomike, aq më e madhe sfida. Prandaj, tani e tutje do të subvencionojmë çiftet me nga 200 euro si mbështetje për foshnjat e porsalindura”, ka thënë ai./Gazeta Sinjali/