Shoferët në rrugën “Isa Kastrati” në Prishtinë “ia kanë parë sherrin” një kompanie të papërgjegjshme, raporton Gazeta Sinjali.

Nga kamioni i kësaj kompanie ka rrjedhur vaji i motorit, i cili ka lyer gjithë rrugën.

Si pasojë e rrëshqitjes nga vaji, tri aksidente kanë ndodhur gjatë ditës së sotme në këtë rrugë.

Rasti është denoncuar nga “Vrojtuesit e Lagjes – Prishtinë”, teksa është publikuar edhe video.

“Sot në rrugën ‘Isa Kastrati’ në Prishtinë, një kompani ka derdhur vaj motori dhe e gjithë rruga është lyer me vaj! Tri aksidente gjatë ditës nga rrëshqitja!”, thuhet në mbishkrimin e videos./Gazeta Sinjali/