Kryetarja e Komisionit të Shëndetësisë, Albena Reshitaj ka njoftuar se sot kanë miratuar amendamentet që kanë të bëjnë me përkrahjen e specializantëve, specialistëve dhe infermierëve, të cilët ishin të privuar nga e drejta për paga.
Ajo ka thënë se presin nga deputetetët që t’i përkrahin amendamentet.
Ky është postimi i plotë i saj:
Para votimit të buxhetit të shtetit sot mbajtëm mbledhjen e Komisionit për shëndetësi dhe mirëqenie sociale.
Në Komision mbështetëm dhe miratuam amendamentet që kanë të bëjnë me përkrahjen e specializantëve, specialistëve dhe infermiereve, të cilët ishin të privuar nga e drejta për paga.
Gjithashtu përkrahëm kategorinë e invalidëve të luftës dhe invalidëve civilë për riparimin dhe rregullimin e protezave të nevojshme për ta.
Shpresoj se të gjithë deputetët e të gjitha grupeve parlamentare të reflektojnë sot dhe të përkrahin amendamentet e Komisionit për shëndetësi dhe mirëqenie sociale.
