Komuna e Vitisë nuk ka regjistruar asnjë rast me koronavirus që tri javë, shkruan Gazeta Sinjali.

Kjo është bërë e ditur përmes një komunikate nga Komuna e Vitisë.

“Janë bërë 21 ditë që në komunën e Vitisë nuk është shënuar asnjë rast me COVID-19. Ky stabilitet, vjen si rezultat i zbatimit të rekomandimeve të IKSHP-së dhe korrektësisë së qytetarëve, që kanë vepruar konform këtyre rekomandimeve”, thuhet në komunikatë.

Rasti i fundit pozitiv në komunën e Vitisë ishte shënuar më 30 prill, ndërkohë që për gjatë kësaj periudhe nuk ka asnjë të dyshuar me COVID-19./Gazeta Sinjali/