Gjatë një interviste për CNN, presidenti ukrainas, Volodymyr Zelensky tha se ishte i tronditur dhe pothuajse pa fjalë nga një video tronditëse e një nëne, e cila identifikon trupin e vdekur të djalit të saj.
Pyetja se “Si është për ju, si president i këtij vendi, të shihni ato video – të dëgjoni të qarat e nënave?”.
Zelensky u përgjigj se “Kjo është gjëja më e tmerrshme që kam parë në jetën time”.
“Unë e shikoj këtë para së gjithash si baba. Është një tragjedi. Është vuajtje. Unë nuk do të mund ta imagjinoj shkallën e vuajtjes së këtyre njerëzve, të kësaj gruaje. Është një tragjedi e familjes. Është një fatkeqësi. Janë ëndrrat dhe jeta që sapo ke humbur. Ne jetojmë për fëmijët tanë, kjo është e vërtetë. Fëmijët janë më të mirat që na ka dhënë Zoti”.
