Udhëheqësi i Koresë së Veriut Kim Jong-Un planifikon të udhëtojë në Rusi këtë muaj për të takuar Presidentin Vladimir Putin dhe për të diskutuar furnizimin e Moskës me armë për luftën në Ukrainë.
Zëdhënësi i Sigurisë Kombëtare të Shtëpisë së Bardhë, John Kirby, tha më 30 gusht se Shtetet e Bashkuara ishin të shqetësuara se negociatat për armët midis dy vendeve po avanconin.
Ndërsa në Vladivostok, një qytet port jo shumë larg Koresë së Veriut, të dy udhëheqësit do të diskutojnë dërgimin e predhave artilerie dhe raketave antitank nga Kim ndaj Rusisë në këmbim të teknologjisë së avancuar të Moskës për satelitët dhe nëndetëset me energji bërthamore, raportoi gazeta.
Në një kohë kur Shtetet e Bashkuara kanë shprehur shqetësimin për rritjen e lidhjeve ushtarake midis dy vendeve, lajmi për vizitën e planifikuar të Kim erdhi pasi Rusia tha se po diskutonte për mbajtjen e stërvitjeve të përbashkëta ushtarake me Korenë e Veriut.
“Pse jo, këta janë fqinjët tanë. Ka një thënie të vjetër ruse: ju nuk i zgjidhni fqinjët tuaj dhe është më mirë të jetoni me fqinjët tuaj në paqe dhe harmoni,” citoi agjencia e lajmeve Interfax të ketë thënë ministri rus i Mbrojtjes, Sergei Shoigu.
I pyetur për mundësinë e stërvitjeve të përbashkëta midis dy vendeve, ai tha “natyrisht” se ato ishin duke u diskutuar.
Shtetet e Bashkuara thanë javën e kaluar se ishin të shqetësuara se negociatat për armët midis Rusisë dhe Koresë së Veriut po avanconin në mënyrë aktive dhe se Shoigu ishte përpjekur gjatë vizitës së tij të bindte Phenianin t’i shiste municion artilerie Rusisë.
Rusia dhe Koreja e Veriut kohët e fundit kanë bërë thirrje për lidhje më të ngushta ushtarake, por Koreja e Veriut ka mohuar të ketë ndonjë “marrëveshje armësh” me Rusinë.
Shtetet e Bashkuara vendosën kohët e fundit sanksione ndaj tre subjekteve që i akuzuan se ishin të lidhura me marrëveshjet e armëve midis Koresë së Veriut dhe Rusisë.
Koreja e Veriut ka kryer gjashtë teste bërthamore që nga viti 2006 dhe ka testuar raketa të ndryshme gjatë viteve të fundit, por rrallëherë zhvillon stërvitje ushtarake me fqinjët e saj.
Koreja e Veriut ka kryer gjashtë teste bërthamore që nga viti 2006 dhe ka testuar raketa të ndryshme gjatë viteve të fundit, por rrallëherë zhvillon stërvitje ushtarake me fqinjët e saj, raporton Reuters.
