Zvicra synon të ndalojë të gjitha ngjarjet publike përveç shërbimeve të kishës dhe sesioneve parlamentare pas 12 dhjetorit, për shkak të COVID-19.
Gjithashtu, Zvicra po planifikon të vendosë kufizime në funksionimin e disa objekteve dhe numrin e njerëzve të mbledhur në një shtëpi, raporton Reuters, transmeton Gazeta Sinjali.
Qeveria do të fillojë bisedimet me 26 kantone për shkak të propozimit të masave të reja dhe njoftimi erdhi pasi autoritetet kompetente raportuan se 92 persona të tjerë vdiqën si rezultat i COVID-19.
Pasi të marrë një përgjigje nga kantonet, qeveria zvicerane ka në plan të takohet përsëri të premten, përpara se të miratojë një vendim mbi masat e reja që duhet të hyjnë në fuqi gjatë fundjavës.
Po ashtu, Qeveria planifikon gjithashtu të urdhërojë mbylljen e restoranteve, dyqaneve dhe tregjeve në 19:00 dhe masa do të jetë në fuqi deri më 20 janar.
Ndërkaq, është planifikuar gjithashtu të kufizohet numri i njerëzve që mund të mblidhen në një shtëpi në pesë. Numri i njerëzve të infektuar në Zvicër dhe Lihtenshtajn është aktualisht 358,568, që është 4,262 më shumë se dje, ndërsa 5,116 njerëz kanë vdekur si rezultat i sëmundjes deri më tani.
Autoritetet paralajmërojnë se numri i rasteve të reja me COVID-19 është në rritje dhe se ka gjithnjë e më pak vende në njësitë e kujdesit intensiv.
