Gjendja me pandeminë në Kosovë, ku çdo ditë po shënohet rekord i ri i rasteve me COVID-19 ka alarmuar edhe Qeverinë e Kosovës, e cila do të mblidhet sot për të shqyrtuar masat e reja antiCOVID, të propozuara nga Ministria e Shëndetësisë, raporton Gazeta Sinjali.

Gazeta Sinjali ka arritur që të sigurojë rendin e ditës së kësaj mbledhje, e cila pritet të fillojë në orën 17:30.

Përveç masave të reja, gjatë kësaj mbledhjeje, qeveria pritet që të ndajë mjete për angazhimin e 1 mijë e 116 profesionistëve shëndetësore dhe staf mbështetës për menaxhimin e pandemisë dhe përkrahjen e procesit të vaksinimit për tre muaj.

Po ashtu, në rend dite është edhe propozim-vendimi për zgjatjen e mandatit të sekretarit të përgjithshëm të Ministrisë së Shëndetësisë, Naim Bardiqit./Gazeta Sinjali/