image Këta janë dy të dyshuarit për fajde dhe shpëlarje parash që u arrestuan sot

Siguri

Këta janë dy të dyshuarit për fajde dhe shpëlarje parash që u arrestuan sot

news image

Dy persona u arrestuan sot gjatë një operacioni të Policisë dhe Prokurorisë Speciale të Kosovës në Prishtinë dhe Fushë-Kosovë, të dyshuar për “Fajde” dhe për “Shpëlarje parash”, raporton Gazeta Sinjali.

Sinjali mëson se të dyshuarve të cilëve iu vunë prangat e Policisë, janë Hilmi Dudi dhe Remzi Jahiri.

Jahiri dyshohet se ka kryer veprat penale “Fajde” dhe “Shpëlarja e parave”.

Ndërkaq, Dudi dyshohet për veprën penale “Fajde”.

Në një komunikatë të përbashkët Policia dhe Prokuroria Speciale njoftuan se dy të dyshuarit janë dërguar në mbajtje, si dhe gjatë operacionit u sekuestruar si prova materiale: 3 mijë e 130 euro, dy telefona dhe 40 dollarë.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata./GazetaSinjali/