Gazeta Sinjali pak më parë raportoi ekskluzivisht për arrestimin e dy personave të cilët dyshohet se kanë falsifikuar 200 mijë euro, të cilat planifikonin t’i shisnin në Shqipëri.

Sinjali mëson se dy burrat që përfunduan në prangat e Drejtorisë për Hetimin e Krimeve Ekonomike dhe Korrupsionit, janë Bajram Shala, 58-vjeçar nga Sllatina e Madhe e Fushë-Kosovë dhe Astrit Kasumi, 41-vjeçari nga fshati Stanoc i Epërm i Vushtrrisë.

Me urdhër të prokurorisë, dy të dyshuarve u janë bastisur shtëpitë, mirëpo aty nuk është gjetur asgjë e dyshuar.

Ky aksion nuk ka përfunduar me arrestimin e dy të të dyshuarve, pasi që për këtë rast janë intervistuar shumë persona të tjerë të dyshuar, andaj pritet që në vijim të ketë edhe sukuestrime të tjera.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata./Gazeta Sinjali/