Ministri i Jashtëm gjerman, Heiko Maas, është vendosur në karantinë, pasi që testet treguan se një nga truprojat e tij është infektuar me COVID-19, thuhet në një deklaratë nga Ministria e Jashtme gjermane.
Në këtë deklaratë gjithashtu thuhet se një test fillestar për diplomatin e lartë të Gjermanisë rezultoi negativ, transmeton Gazeta Sinjali.
Ministri Maas nuk është anëtari i parë i qeverisë gjermane që vetizolohet për shkak të koronavirusit, pasi që edhe kancelarja Angela Merkel, kaloi dy javë në karantinë në shtëpi, në mars, e cila kishte kontaktuar me një mjek që rezultoi pozitiv.
Heiko Mass është ministri i Jashtëm i Gjermanisë që prej 14 marsit të vitit 2018.
Ai është anëtar i SPD-së.
