Radovan Karagjiq, ish-udhëheqësi serb i Bosnjës i dënuar për gjenocid gjatë konfliktit në ish-Jugosllavi, do të vuajë pjesën tjetër të dënimit të tij të përjetshëm në një burg britanik.

Zyra e Jashtme tha se ai do të transferohej në një burg në Mbretërinë e Bashkuar, nga një njësi e paraburgimit e KB në Holandë.

Karagjiq, 75, u shpall gjithashtu fajtor në gjykatën e tij penale 2016 për krime lufte dhe krime kundër njerëzimit, raporton BBC, përcjell Gazeta Sinjali.

Dënimi i tij me 40 vjet burgim, më vonë u rrit me burgim të përjetshëm.

Dënimi i tij për gjenocid kishte të bënte me përgjegjësinë e tij për vrasjen e më shumë se 7,000 burrave dhe djemve myslimanë në Srebrenica në 1995.

Konsiderohej si një nga masakrat më të këqija në Evropë që nga vitet 1940.

Gjyqtarët gjithashtu e konsideruan Karagjiqin përgjegjës për rrethimin e Sarajevës, një fushatë me granatë dhe snajper, e cila zgjati më shumë se tre vjet dhe çoi në vdekjen e rreth 10,000 civilëve./Gazeta Sinjali/