Pas kërkesave për ndihmë nga qytetarët, një gjarpër është kapur në lagjen Veternik.

Këtë e ka bërë të ditur zjarrëfikësi i Brigadës së Zjarrfikësve në Prishtinë, Behar Shala, duke thënë se kanë intervenuar edhe pse nuk kanë pasur ndonjë  pasisje adekuate për raste të tilla.

“Edhe sot sikur ditëve të tjera intervenuam për kapjen e një gjarpëri, ku banoëet e lagjes Veternik kërkuan ndihmën tonë dhe ne u përgjigjem në mënyrë profesionale edhe pse nuk kemi ndonjë paisje adekuate për këto intervenime, mirëpo guximi dhe humaniteti nuk na mungon” ka shkruar Shala në Facebok.

Para tri ditësh, zjarrfikësit e kanë nxjerrë edhe një gjarpër nga një vend në qendër të kryeqytetit./GazetaSinjali/