Gjatë inspektimit të një autobusi të linjave të gjata në pompën e benzinës dhe zonën e pushimit, në Leipheim, policët e grupit të kontrollit të kërkimit, zbuluan se disa të huaj po qëndronin ilegalisht në Gjermani, pesë prej të cilëve janë shtetas të Shqipërisë dhe njëri shtetas i Kosovës.
Këtë herë bëhej fjalë për gjithsej gjashtë burra dhe gra, të moshave 24 deri 30 vjeç, transmeton albinfo.ch. Periudha e qëndrimit të paligjshëm e tyre, siç është konstatuar, zgjaste deri në tre vjet.
Akuzat penale për qëndrim të paligjshëm bëhen me këtë rast kundër të gjithë personave.
Me përjashtim të një personi të cilit i ishte refuzuar hyrja në BE, të gjithë të tjerët fillimisht kanë hyrë në vend legalisht si turistë por më pas kanë qëndruar shumë gjatë, pasi u ka skaduar leja.
Një grua nga ky grup kërkohej me një urdhër arresti. Asaj iu desh të paguante në vend një depozitë prej disa qindra eurosh.
Të gjithë udhëtarëve të autobusit iu kërkua të largoheshin menjëherë nga Gjermania.
