image Kamberi: Qeveritë e Kosovës dhe Shqipërisë duhet t’i qasen më seriozisht Luginës së Preshevës

Politikë

Kamberi: Qeveritë e Kosovës dhe Shqipërisë duhet t’i qasen më seriozisht Luginës së Preshevës

news image

Deputeti shqiptar në Kuvendin e Serbisë, Shaip Kamberi u ka bërë thirrje Qeverisë së Kosovës dhe asaj të Shqipërisë që të kenë qasje më serioze ndaj Luginës së Preshevës.

Kamberi, përmes një postimi në rrjetin social Facebook, tha se këto dy qeveri nuk kanë platformë dhe program shtetëror dhe nuk ndajnë buxhet të rregullt.

Kamberi tha se Qeveria e Republikës së Serbisë për Kosovën ka platformë, program shtetëror si dhe ndanë buxhet të rregullt çdo vjet me qindra miliona euro.

Postimi i plotë i Kamberit:

Qeveritë e Republikës së Kosovës dhe Shqipërisë duhet t’i qasen më seriozisht Luginës së Preshevës

Qeveritë e Republikës së Kosovës dhe Shqipërisë për Luginën e Preshevës:

– Nuk kanë platformë dhe program shtetëror
– Nuk ndajnë buxhet të rregullt
– Nuk kanë mekanizëm të veçantë qeveritar

Qeveria e Republikës së Serbisë për Kosovën :

– Ka platformë dhe program shtetëror
– Ndanë buxhet të rregullt (çdo vjet me qindra miliona euro)
– Ka mekanizëm të veçantë qeveritar (herë si ministri, herë si zyre të veçantë).

Qeveria e Republikës së Serbisë për Luginën e Preshevës :

– Ka platformë dhe program shtetëror, sado që letër e vdekur.
– Ndanë buxhet të rregullt, sado që pamjaftueshëm.
– Ka mekanizëm të veçantë qeveritar (Trupi Koordinues për Preshevë, Bujanoc dhe Medvegjë), sado që jofunksional dhe joefikas.

/GazetaSinjali/