Policia e Kosovës ka arrestuar një person në gjendje të dehur pasi i njëjti dyshohet se ka kërcënuar policët në Leshak të Leposaviqit, shkruan Gazeta Sinjali.

Sinjali nga burimet ka mësuar se i dyshuari Vladan Banoviç, mbrëmë rreth orës 00:30 pasi kishte refuzuar t’i bindej urdhrit të policisë që të largohej nga rruga dhe të mos e prishte qetësinë, i njëjti i ka ofenduar dhe kërcënuar ata.

I dyshuari fillimisht kishte ofenduar policët duke i quajtur ata “burra abuziv”, si dhe njëkohësisht ka refuzuar që të largohej nga rruga.

Të njëjtat burime kanë njoftuar se më pas i dyshuari i është drejtuar patrullës policore me fjalë kërcënuese ku iu ka thënë atyre “Ju do të më arrestoni, unë do t’ju vras, do t’ju godas në kokë”.

Rasti në polici po hetohet si “Kërcënim”, kurse i dyshuari është dërguar në mbajtje./Gazeta Sinjali/