Boris Johnson ka thënë se sulmet e Rusisë kundër civilëve të pafajshëm në Irpin dhe Bucha janë edhe më shumë dëshmi se Putini dhe ushtria e tij po kryejnë krime lufte në Ukrainë.
Në një deklaratë kryeministri është zotuar se, siç tha ai, do t’i bënte “të vdisnin urie” makinat e luftës të Vladimir Putinit, duke shtuar se pushtimi i tij po “dështon”.
“Asnjë mohim apo dezinformim nga Kremlini nuk mund të fshehë atë që ne të gjithë e dimë se është e vërteta – Putini është i dëshpëruar, pushtimi i tij po dështon dhe vendosmëria e Ukrainës nuk ka qenë kurrë më e fortë”, tha Johnson.
“Unë do të bëj gjithçka në fuqinë time ‘për të ngordhur’ makinerinë e luftës së Putinit”.
“Ne po shtojmë sanksionet dhe mbështetjen tonë ushtarake, si dhe po forcojmë paketën tonë të mbështetjes humanitare për të ndihmuar ata që kanë nevojë në terren”.
Ai tutje ka deklaruar se “Mbretëria e Bashkuar ka qenë në ballë të mbështetjes së hetimit të Gjykatës Penale Ndërkombëtare për mizoritë e kryera në Ukrainë. Sekretari i drejtësisë ka autorizuar mbështetje financiare shtesë dhe vendosjen e hetuesve specialistë – ne nuk do të pushojmë derisa drejtësia të vihet në vend”.
