Sulmuesi i ri i Arsenalit, Gabriel Jesus po pritet me emocion të madh për fillimin e ri jo vetëm nga tifozët e Arsenalit, por edhe nga tifozët e skuadrave të tjera.
Jesus iu bashkua Arsenalit nga Manchester City në një marrëveshje prej 45 milionë funtesh muajin e kaluar dhe ai do të jetë pika e tyre qendrore në sulm.
Reprezentuesi brazilian ka shënuar shtatë gola në para-sezon, duke përfshirë një hat-trick në mposhtjen 6-0 të së shtunës ndaj Sevillas.
E kjo formë e brazilianit ka bërë që një numër i madh tifozësh në Premier Ligë të zgjedhin atë të “preferuarin” e tyre.
Nga loja e famshme “Fantasy Premier League”, Jesus tashmë ka regjistruar një rekord, duke u selektuar nga 72.5% e të gjithë njerëzve nëpër botë që luajnë këtë lojë.
It’s not often you see a player owned by so many #FPL managers for Gameweek 1! ????
— Fantasy Premier League (@OfficialFPL) August 3, 2022
✨ 22/23 – Jesus 72.5% (so far!) ✨
21/22 – Shaw 57.2%
20/21 – Alexander-Arnold 56.7%
19/20 – Van Dijk 50.1%
18/19 – Salah 54.4%
17/18 – Lukaku 49.0% pic.twitter.com/yqA2yN7NSf
Ai është favorizuar edhe për shkak të çmimit të tij në tregun e lojës, që vlerësohet me 8 milionë funte, ndryshe nga Harry Kane dhe Erling Haaland që vlerësohen me nga 11.5 milionë, dhe Cristiano Ronaldo me 10.5 milion.
Arsenali e hap kampanjën e Premier League të premten, në vizitën në “Selhurst Park” ndaj Crystal Palaces.
