image Javën e ardhshme mbahet ankandi i shtatë i Letrave me Vlerë

Financa

Javën e ardhshme mbahet ankandi i shtatë i Letrave me Vlerë

news image

Më 9 qershor do të mbahet ankandi i shtatë i Letrave me Vlerë për vitin 2020. Kështu njoftoi Ministria e Financave dhe Transfereve e cili gjithashtu bëri të ditur se do të emetohen Obligacione me maturitet 3 vjeçar në shumën prej 30 milionë euro.

Përmes një komunikate drejtuar mediave, ministria ka bërë me dije se investimi në Obligacione është investim i sigurt, i garantuar me Ligjin për Borxhin Publik, ku interesi i përcaktuar nga tregu ju garantohet për të gjithë kohëzgjatjen (3 vite) dhe është tërësisht i liruar nga tatimi.

“Për detaje rreth pjesëmarrjes në ankande për blerjen e letrave me vlerë, të interesuarit të kontaktojnë ndonjërën nga Bankat Komerciale që operojnë në Republikën e Kosovës”, thuhet në komunikatë./Gazeta Sinjali/