Autoritetet infrastrukturore japoneze, kanë bërë të ditur se kanë lëshuar trenin më të shpejtë dhe më të sigurtë në vend. Sipas raportimeve të mediave, ky tren madje nuk e ndjen as tërmetin.

Treni i tipit N700S mund ta arrijë shpejtësinë maksimale në 360 kilometra në orë, ndonëse në hekurudhën ku do të qarkullojë, shpejtësia më e madhe e lejuar është 285 kilometra në orë, shkruan “Daily Mail”.

Sistemi i hekurudhës është i lidhur me sensorët që vërejnë dridhjet e tokës. Nëse vërehet ndonjë tërmet, sistemi i energjisë ndalet automatikisht dhe aktivizohen frenjtë emergjentë.

Linja nëpër të cilën do të qarkullojë treni i ri lidh qytetet Tokio, Osaka dhe Kobe dhe është një ndër më të famshmet në botë. Kjo linjë ishte e para në botë nëpër të cilën qarkulloi një tren i shpejtë më 1 tetor të vitit 1964.

Modeli N700S duket shumë i ngjashëm me trenin që do ta zëvendësojë, N700, por ka disa karakteristika të reja e mbresëlënëse.

Ulëset mund të shtrihen deri në një masë, secila prej tyre ka prizë për mbushje të telefonave dhe pjesa për mbështetjen e kokës ka drita që ndizen sa herë që treni i afrohet një stacioni për t’ua sjellë ndër mend pasagjerëve që t’i marrin valixhet e tyre.

Treni i ri si burim energjie i shfrytëzon bateritë me komibinimin litium-jon dhe nuk ka nevojë ta shfrytëzojë rrjetin elektrik me tela./ Gazeta Sinjali/