Presidenti i Shqipërisë, Bajram Begaj, ia ka uruar ditëlindjen shkrimtarit shqiptar, Ismail Kadare.
Ai, me anë të një postimi në rrjetin social Facebook, i uroi jetë të gjatë dhe shëndet shkrimtarit tonë të madh.
“Universi i tij i mrekullueshëm letrar i përcolli Shqipërinë perëndimit, nëpërmjet Ilirisë, legjendave ballkanike, Homerit në epopetë shqipe dhe Eskilit në dramat e kohëve moderne”.
“Kadare është një urë e fortë dhe e bukur e jona me perëndimin”, ka thënë Begaj.
