Vetëm më pak se një muaj më parë, Singapori u përshëndet si një nga vendet që iu përgjigj më së miri pandemisë së koronavirusit, por një valë e dytë e ka goditur fort qytet-shtetin, kështu që nga 17 marsi, numri i rasteve të konfirmuara në Singapor u rrit nga 266 në më shumë nga 5.900.

Për Singaporin, i cili mbulon një sipërfaqe prej vetëm 700 kilometra katrorë dhe ka një popullsi prej 5.7 milionë, ky numër është më domethënës sesa në vendet e mëdha ku numri i të infektuarve është mijëra çdo ditë.

Në fillim, dukej se qytet-shteti ishte në gjendje të shtypë përhapjen e virusit duke futur masa kufizuese, gjë që ishte inkurajuese për pjesën tjetër të botës.

Sipas një analize të publikuar nga CNN, riaktivizimi i valës së infeksionit u ndërlikua nga fakti se në Singapor u nënvlerësuan vatrat grumbullimin të punëtorëve migrantë që jetojnë në ambiente të mbingarkuara.

Në analizë thuhet se Singapori ka përparësi që shumë vende më të mëdha nuk i kanë. Ajo ka vetëm një kufi të madh tokësor, me Malajzinë dhe kontrollon rreptësisht njerëzit që vijnë me aeroplan.

Ai gjithashtu ka një sistem shëndetësor të klasit botëror, por edhe një prirje për të prezantuar rregulla drakoniane që mund të diktohen nga qeveria kur përpiqet të kontrollojë një pandemi.

Ajo që fillimisht parandaloi përhapjen e infeksionit ishin masat që përfshinin një karantinë të rreptë për të gjithë ata që vinin nga jashtë, si dhe rritjen e ndërgjegjësimit të popullatës për marrjen e masave parandaluese.

Me testime masive dhe izolim të të gjithë potencialisht ngjitës, Singapori ishte në gjendje të qëndronte relativisht i hapur dhe të vazhdojë të funksionojë si zakonisht.

Por tani s’është më kështu dhe duhet të pritet ende se si do i përgjigjet valës së re dhe a jetë dhe për të dytën herë model suksesi për botën. /Gazeta Sinjali/