Ankthi, mungesa e gjumit dhe 85 orë takime në javë, plus puna që duhej të bënin të gjithë, kjo ishte përvoja e punonjësve të TikTok në Los Anxhelos.
Shumë kishin kaluar nëpër kompani të tjera teknologjike, Facebook, NextDoor, Roblox dhe ishin mësuar me kulturën e Silicon Valley. Por TikTok ishte diçka krejtësisht ndryshe.
Një pjesë e problemit ishte se aplikacioni ishte një degë e ByteDance kinez, ku secili grup ndahej midis selive të SHBA-së dhe Kinës. Kjo ka bërë që punëtorët amerikanë të zgjohen vonë dhe punëtorët kinezë të zgjohen shumë herët. Për shkak të diferencës kohore, zyrat në Los Angeles janë të hapura edhe në mënyrë joformale të dielave, në mënyrë që të punojnë në të njëjtat orë si në Kinë, ku tashmë është e hënë.
Kultura kineze e punës bazohet në logjikën e “9-9-6″dmth punonjësit punojnë nga 9 e mëngjesit deri në 9 të mbrëmjes, 6 ditë në javë. Edhe pse orari zyrtar i kompanisë ishte 10-7, punonjësit u detyruan të ndiqnin 9-9-6 për të plotësuar kërkesat dhe ngarkesën e punës, raporton abc.news.
Kur TikTok filloi rekrutimin në LA, qëllimi ishte që ekipet amerikane të bëheshin gradualisht të pavarura nga kinezët. Por plani u braktis kur Presidenti i SHBA-së, Trump filloi të kërkonte një mënyrë për të ndaluar platformën në SHBA dhe ByteDance mbajti një pjesë të madhe të potencialit të kompanisë në Pekin si një mbrojtje në rast se zyrat amerikane duhej të mbylleshin.
Për të njëjtën arsye, ByteDance po nxiste qëllimisht një klimë konkurrence midis ekipeve, me grupe të ndryshme që punonin në të njëjtat projekte, duke i detyruar punonjësit të punonin jashtë orarit për të marrë rezultate së pari.
