image Ish-presidenti ukrainas: I kërkoj botës “mos i besoni Putinit” - Sinjali

Ish-presidenti ukrainas: I kërkoj botës “mos i besoni Putinit”

news image

Ish-presidenti ukrainas, Petro Poroshenko tha se bota nuk duhet t’i besojë informacioneve që presidenti rus Vladmir Putin dhe zyra e tij po transmetojnë në lidhje me negociatat me Ukrainën pas pushtimit të vendit.

“Dua të pyes të gjithë shikuesit e CNN, të gjithë njerëzit e botës, me një kërkesë shumë të thjeshtë: Ju lutem mos i besoni Putinit. Mos i besoni Putinit. Dhe dy, mos kini frikë nga Putini”, Poroshenko tha nga Kievi në një intervistë për CNN.

Kremlini tha të shtunën se Putin urdhëroi të premten ndalimin e avancimit të ushtrisë ruse në Ukrainë në pritje të negociatave, por operacionet rifilluan pasi qeveria në Kiev dyshohet se refuzoi bisedimet. Një këshilltar presidencial ukrainas mohoi në orët e para të së shtunës se Ukraina kishte refuzuar të negocionte.

Poroshenko u pyet për refuzimin e presidentit ukrainas Volodymyr Zelensky për të pranuar një ofertë nga Shtetet e Bashkuara për evakuim nga kryeqyteti Kiev, sipas ambasadës së Ukrainës në Britani.

“Unë mendoj se tani është një moment vendimtar për kombin tim. Dhe çdo person merr një vendim për veten e tij”, tha Poroshenko për vendimin e presidentit aktual.

Poroshenko tha gjithashtu se është i gatshëm të vdesë nëse është e nevojshme dhe është krenar për popullin dhe vendin e tij.

/GazetaSinjali/


Shpërndaje artikullin