Inxhinieri Arben Meçe ka thënë se 95% e ndërtimeve në Durrës kanë dëmtime. Në një emision në Shqipëri ai ka thënë se kanë ndërtuar një skemë ndërtime që nuk është korrupsion. Kundër pretendimit të tij ishte juristi, Islam Zaçe.

“Në 95 % të ndërtimeve sot në Durrës nuk ka shkatërrim, por ka dëmtim si rrjedhim i dy elementëve. Nëse flasim për 6.4, në Durrës ka vajtur 8.5-9 sepse kushtet gjeologjike amplifikojnë tërmetin. Durrësi ka qenë testi jonë për ndërtim për të kuptuar që 30 vjet ne kemi ndërtuar me një skemë ndërtime që nuk është korrupsion, por është përqafimi i një metode që përdor Greqia, Turqia, Italia. Kjo do të thotë konstruksion me beton, kolon , tra që na ka dhënë një problem që nuk ka të bëjë me korrupsion, por ka të bëjë me një testim shkencor të një metode që kemi ndërtuar në Shqipëri.  Sot kam deklaruar për tu prishur tre ndërtime, njëri në Durrës është ndërtim i 1 mijë e 987, dy ndërtime në zonën e Ujësjellësit, ishin të 87”, ka thënë Meçe.

Ndërsa juristi Islami ka thënë se i madh e i vogël e dinë për korrupsionin në ndërtimet e objekteve.

“Të mohosh korrupsionin në ndërtim do të thotë që ti thuash shqiptarëve jeni të tërë qorra, këtë mos e thuaj më. Këtë e di nga i madhi te i vogli”, ka thënë Islami. /Gazeta Sinjali/