Interi është në kërkim të mesufshorit të Real Madridit, për t’i bërë një partner kroatit Brozovic.
Mesfushori i Real Madridit, Dani Ceballos është ndër objektivat kryesore të Interit në sezonin 2022-2023, me Nerazzurrët në kërkim të një mbështetjeje për Marcelo Brozovic, transmeton Sinjali Sport.
Nerazzurrët kanë luftuar për të përballuar pa kroatin këtë sezon, pasi kanë grumbulluar dy pikë në tre ndeshjet e vetme të Serie A të luajtura pa 29-vjeçarin këtë sezon.
Për këtë arsye, një nga prioritetet e Interit është gjetja e një zëvendësuesi të vlefshëm për Brozovic në sezonin 2022-2023. Stefano Sensi do të kthehet nga huazimi i tij te Sampdoria, por Simone Inzaghi është i etur për të nënshkruar me një lojtar tjetër në mesfushë.
Sipas gazetës Tuttosport, Dani Ceballos është opsioni nr.1 i Interit. Reprezentuesi spanjoll tundohet të kthehet në ish-klubin e tij Betis, por Interi mbetet në garë dhe e sheh Ceballos si një përforcim ideal, duke marrë parasysh edhe shkathtësinë e tij.
25-vjeçari, kontrata e të cilit në Madrid skadon në vitin 2023, mund të luajë si një lojtar i thellë në pozicion, kështu që ai mund të zëvendësojë edhe Nicolò Barella ose Hakan Calhanoglu kur të jetë e nevojshme.
