Mbrëmë në Ferizaj në rrugën “Shkelzen Haradini” inspektorët sanitarë dolën për të inspektuar lokalet, raporton Gazeta Sinjali.

Sinjali mëson nga burimet se tre inspektorë sanitarë derisa kishin qenë në kryerje të detyrës duke bërë inspektimin e lokaleve lidhur me orarin e punës dhe respektimin e masave ligjore lidhur me pandeminë kishin vërejtur se një kafiteri kishte qenë e hapur në të cilin kishin qenë rreth 20-25 persona.

Burimet theksojnë se inspektorët kishin kërkuar nga përgjegjësi i lokalit që personat prezent t’i largojë nga lokali dhe i kishin kërkuar dokumentacionin, por i njëjti kishte refuzuar, i kishte fyer me fjalë dhe i kishte larguar nga lokali. /Gazeta Sinjali/