Kryeministri i Republikës së Kosovës, Avdullah Hoti, përmes një reagimi në Facebook, ka publikuar 6 masat obligative që qytetarët duhet t’i respektojnë për parandalimin e koronavirusit.

Hoti, gjithashtu ka shkruar se Kosova mund të goditet nga një valë e dytë e COVID-19, prandaj sipas tij, qeveria e Kosovës ka miratuar edhe manualin për parandalimin e koronavirusit.

‘Ne kemi hartuar një “Manual për mbrojtje nga përhapja e COVID-19”, ndërsa Ministria e Shëndetësisë në bashkëpunim me Institutin Kombëtar të Shëndetësisë Publike të Kosovës, do të angazhojë rreth 200 profesionistë shëndetësorë që do të monitorojnë zbatimin e këtyre masave’, ka shkruar Hoti në Facebook./ Gazeta Sinjali/