Në zgjedhjet lokale që janë mbajtur më 22 tetor të vitit 2017, 20 komuna nuk kanë arritur ta përcaktojnë fituesin e tyre në rundin e parë. Kështu këto komuna më 19 nëntor zhvilluan edhe një raund tjetër për të caktuar prijësin e tyre.
Shumë komuna në balotazh, do të shkojnë edhe pas zgjedhjeve të 17 tetorit, ku 21 komuna do të kenë dy kandidatë që do të përballen më njëri- tjetrin.
Mirëpo, dallimi është se në këto zgjedhje do të jenë pesë komuna që në zgjedhjet e kaluara nuk kanë qenë në balotazh. Ato janë: Drenasi, Fushë Kosova, Vitia, Mamusha dhe Juniku.
Ndërsa komunat që zgjedhjet e kaluara përcaktuan kryetarin në raundin e parë e në këto zgjedhje do të shkojnë në balotazh janë: Parteshi, Ferizaj, Suhareka e Mitrovica.
Ndërsa në zgjedhjet lokale të mbajtura në vitin 2013, në balotazh shkuan 25 komuna.
Këto janë komunat që do të garojnë për rundin e dytë më 14 nëntor:
Në Komunën e Gllogovcit do të ketë balotazh mes Ramiz Lladrovcit të PDK-së me 45.50 për qind të votave dhe Driton Ajazit nga Demokratët për Drenasin me 30.50 për qind të votave.
Gjilani do të ketë balotazh ndërmjet Lutfi Hazirit nga LDK-ja dhe Alban Hysenit nga LVV-ja.
Komuna e Gjakovës do të ketë balotazh ndërmjet Ardian Gjinit të AAK-së dhe Mimoza Kusari-Lilës së LVV-së.
Komuna e Kaçanikut do të ketë balotazh mes Besim Ilazit nga PDK-ja dhe Jeton Rakës nga LVV-ja.
Dragashi në balotazh do ta ketë Bexhet Xheladinin nga LDK-ja dhe Shaban Shabanin nga PDK-ja.
Burim Berisha i LDK-së dhe Enver Bajçinca nga LVV-ja do të jenë në balotazh për Fushë Kosovën.
Në Istog në balotazh do të jenë Ilir Ferati i LDK-së dhe Bekë Berisha nga AAK-ja.
Balotazhi në komunën e Obiliqit zhvillohet ndërmjet Xhafer Gashit nga Iniciativa Qytetare për Obiliqin dhe Halil Thaçit të LVV-së.
Në komunën e Klinës në balotazh shkojnë Zenun Elezaj nga AAK-ja dhe Esat Raci nga PDK-ja.
Në Kamenicë në balotazh shkojnë Qëndron Kastrati nga PSD-ja dhe Kadri Rahimaj nga LVV-ja.
Në balotazh në Rahovec do të jenë Smajl Latifi i AAK-së dhe Visar Korenica i LVV-së.
Komuna e Podujevës shkon në balotazh me Ekrem Hysenin e LDK-së dhe Shpejtim Bulliqit të LVV-së.
Kryeqyteti i Kosovës, Prishtina, shkon në garën e balotazhit ndërmjet Arben Vitisë së LVV-së dhe Përparim Ramës së LDK-së.
Në Viti në balotazh shkojnë Sokol Haliti i LDK-së dhe Arsim Ademi i LVV-së.
Në Prizren në balotazh përballen Mytaher Haskuka i LVV-së dhe Shaqir Totaj nga PDK-ja.
Komuna e Junikut shkon në balotazh mes Agron Kuçit nga AAK-ja dhe Ruzhdi Shehut të LDK-së.
Komuna e Malishevës shkon në balotazh mes Ekrem Kastratit nga Nisma Socialdemokrate dhe Isni Kilajt të PDK-së.
Në Vushtrri në balotazh kanë shkuar Ferit Idrizi i PDK-së dhe Xhafer Tahiri i LDK-së.
Në Shtime në balotazh garojnë Qemajl Aliu i VV-së dhe Naim Ismajli i PDK-së.
Kllokoti shkon në balotazh mes Vladan Bogdanoviqit nga Lista Serbe dhe Strahinja Spasiq nga Gi Srpska Narodna Sloga.
Komuna e Mamushës shkon në balotazh me Abdulhadi Krasniqi nga Kosova Demokratik Turk Partisi dhe Arif Butuqi nga Kosova Adalet Turk Partisi.
