Nënkryetari i Lidhjes Demokratike të Kosovës, Lutfi Haziri, ka thënë se Vjosa Osmani duhet të vazhdojë ta mbajë pozitën e Kryetares së Kuvendit.

“Në kulturën tonë politike, ne nuk kemi filozofi të eliminimeve të përjashtimit apo largimit. Por, duhet të kemi koordinim mes vetes dhe nuk duhet lejuar perceptimin e pasqyrës, ku kemi dy pamje, por që në fakt është e njëjta. Duhet të kemi një LDK”, është shprehur Haziri për Euronews Albania.

Duke mos lejuar kështu politikën dualiste, të cilën thotë se e ka instaluar ish-kryeministri, Albin Kurti, për ta prezantuar në opinion idenë se ka dy LDK.

“Duhet të mos lejojmë politikën duale, që Kurti thënë të drejtën e ka instaluar duke dashur ta shesë lajmin se ka dy LDK, një LDK që është në kuvend dhe tjetra në Qafa, në lagjen Qafa”, ka thënë ai./Gazeta Sinjali/