Në shënjestër të hajnave mbrëmë kishte qenë një shtëpi në fshatin Romaje të Prizrenit, raporton Gazeta Sinjali.

Rastet kur hyjnë dhe nuk marrin asgjë, nuk është që janë të rralla, mirëpo kësaj radhe kanë arritur që ta realizojnë me sukses misionin e tyre, pasi që kanë dëmtuar familjen duke i marrë ari në vlerë të katër mijë eurove si dhe katër mijë e 500 para të gastshme.

Këtë ngjarje për Gazetën Sinjali e ka konfirmuar zëdhënësi i Policisë së Kosovës për rajonin e Prizrenit, Shaban Osmanollaj.

“Në fshatin Romaje, të Prizrenit, dje rreth orës 20:30, një person ka raportuar se persona të panjohur kanë hyrë me forcë në shtëpinë e tij, ku kanë vjedhur ari me vlerë rreth 4000 euro, si dhe 4500 euro para të gatshme”, ka thënë Osmanollaj.

Gjithashtu ka bërë të ditur se ky rast është duke u hetuar. /Gazeta Sinjali/