Klubi i Dritës ka dhënë një lajm të hidhur për futbollin kosovar.

Përmes një postimi në Facebook, klubi nga Gjilani ka treguar që një futbollist i saj ka rezultuar pozitiv në testin për koronavirus, transmeton Gazeta Sinjali.

Drita nuk ka treguar se për cilin futbollist bëhet fjalë por ka thënë se është njëri nga futbollistët që ishte jashtë Kosovës.

Njoftimi i plotë i Dritës:

KOMUNIKATË

Sot është pritur që klubit ti bashkangjiten edhe lojtarët tjerë që janë jashtë Kosovës, por kemi marrë një lajm aspak te mirë, sepse njëri prej tyre ka rezultuar pozitiv në testimin për Covid-19.

Lojtari deri tani nuk ka shfaqur simptoma dhe do te vijojë të qendrojë i izoluar në shtëpi.

Jemi shumë të brengosur nga kjo situatë dhe kërkojmë nga Instituti i Shëndetit Publik të Kosovës, Ministria e Shëndetsisë si dhe nga FFK që tu bëhen testet qdo futbollisti dhe qdo personi që involvohet në aktivitete sepse në të kundertën mund të rrezikojmë shëndetin e të gjithë komunitetit të futbollit.

Klubi i dëshiron shërim sa më të shpejt lojtarit dhe do ti qëndroj pranë në qdo rrethanë!

/Gazeta Sinjali/