Sot, e premte, do të zhvillohen gjysmëfinalet në elitën e basketbollit kosovar, shkruan Gazeta Sinjali.

Dy gjysmëfinalet do t’i luajnë ndeshjet e treta të serisë.

Peja do të pres në “Karagac” skuadrën e Ponte Prizrenit, pas dy ndeshjeve të para të zhvilluara në Prizren.

Të dy ekipet kanë nga një fitore, me ndeshjen e fundit që ishte e jashtëzakonshme ku fituesi Ponte, fitoren e gjeti tek në vazhdime edhe atë në katër sekondat e fundit sa ishte në disavantazh, ku me gjuajtjen për tre pikë nga Divine Myles e fitoi lojën.

Peja e fitoi ndeshjen e parë në “Sezai Surroi”, derisa sonte ky takim do të fillojë nga ora 17:00.

Gjysmëfinalja tjetër do të luhet në Suharekë, ku skuadra e Golden Eagle Yllit është nikoqir i Rahovecit.

Edhe në këtë seri gjithçka është e barabartë, duke e ditur rivalitetin që e kanë këto skuadra, ende është e paqartë se cila do të jetë në finale.

Takimin e parë e fituan “Vreshtarët” me rezultat 69:66, kurse në sfidën e dytë triumfuan therandasit me rezultat 62:70.

Ky duel do të zhvillohet në mbrëmje me fillim nga ora 20:15 në palestrën “13 Qershori”.

Për t’u kualifikuar në finale, skuadrave ju nevojitet që t’i bëjnë tri fitore. /Gazeta Sinjali Sporti/