image Gjykata vendos 1 muaj paraburgim ndaj këtij të dyshuari në rastin 'Karaçeva'

Siguri

Gjykata vendos 1 muaj paraburgim ndaj këtij të dyshuari në rastin ‘Karaçeva’

news image

Gjykata Themelore në Gjilan ka vendosur masën e paraburgimit prej 30 ditësh për Bekim Gashin, si i dyshuar për veprën penale “Organizimi i skemave piramidale dhe bixhozit të paligjshëm”, në fshatin Karaçevë të Kamenicës, shkruan Gazeta Sinjali.

Gazeta Sinjali dje raportoi me burime brenda prokurorisë së këtij rajoni, se i dyshuari gjatë intervistimit e ka pranuar se ka qenë investitor për ndërtimin e një objekti për kazino në fshatin Karaçevë.

Ai dyshohet se ka investuar me qëllim të përfitimit të kundërligjshëm përmes lojërave të fatit.

Gazeta Sinjali ka raportuar dje lidhur me vetëdorëzimin e Gashit në Policinë e Kosovës.

/Gazeta Sinjali/