image Gjykata merr vendim për tetë të arrestuarit për rastin "Brezovica"

Drejtësi

Gjykata merr vendim për tetë të arrestuarit për rastin “Brezovica”

news image

Gjykata Themelore në Ferizaj ka marrë vendim që t’ua caktojë masën e paraburgimit prej një muaji tetë të dyshuarve për rastin “Brezovica”.

Sinjali raportoi se dy nga të arrestuarit janë Ilir Morina dhe Arian Idrizaj.

Morina që ka qenë kryeshef i Agjencionit për Mbrojtjen e Mjedisit të Kosovës, akuzohet për “keqpërdorim të pozitës dhe autoritetit”, ndërsa Idrizaj për “dhënie ryshfeti” dhe “ushtrim i ndikimit”.

Të dyshuarit tjerë ngarkohen me veprat:

Z.G dhe A.X. të dyshuar për shkak të veprave penale në bashkëkryerje marrja e ryshfetit në ndihmë dhe në bashkëkryerje ushtrimi i ndikimit.

M.SH. i dyshuar për shkak të veprave penale dhënia e ryshfetit dhe ushtrimi i ndikimit.

F.H. i dyshuar për shkak të veprave penale dhënia e ryshfetit dhe ushtrimi i ndikimit.

R.A. i dyshuar për shkak të veprave penale dhënia e ryshfetit dhe ushtrimi i ndikimit nga neni 431 paragrafi 2 të KPRK-së; falsifikimi i dokumenteve nga neni 398 paragrafi 2 të KPRK-së.

H.A. i dyshuar për shkak të veprave penale dhënia e ryshfetit dhe ushtrimi i ndikimit nga neni 431 paragrafi 2 të KPRK-së.

/GazetaSinjali/