Pamjet e deklarimit të dhënë nga ish-presidenti amerikan, Donald Trump, si pjesë e gjyqit të tij për përdhunim civil, është publikuar nga gjykata.
Videoja afërsisht 48-minutëshe e tregon 76-vjeçarin Trump duke ngatërruar akuzuesen e tij E Jean Carroll për ish-gruan e tij Marla Maples në një foto.
Ai gjithashtu tregon se përsërit mohimin e tij të akuzave të zonjës Carroll duke pretenduar se ajo “nuk është tipi i tij”.
Avokatët e të dyja palëve pushuan çështjen e tyre të enjten.
Trump nuk ka qenë i pranishëm në Nju Jork për gjyqin dhe avokatët e tij nuk thirrën asnjë dëshmitar përpara se të pushonin çështjen e tyre.
Por, me urdhër të një gjyqtari, ish-presidenti ofroi zyrtarisht prova të betuara në kamera tetorin e kaluar mbi pretendimin e zonjës Carroll se ai e kishte përdhunuar atë brenda një dyqani në Nju Jork në mesin e viteve 1990.
Videoja e deklarimit të tij u shfaq para juristëve të enjten dhe u publikua për herë të parë të premten pas një peticioni nga organizatat mediatike.
Gjatë depozitimit të deklaratës, Trumpit i shfaqet kaseta e zbuluar e Access Hollywood, e cila u publikua nga Washington Post gjatë fushatës presidenciale të 2016-ës. Aty Trump shihet duke u zhvendosur në mënyrë të pakëndshme në ulësen e tij, teksa dëgjohet në kasetë duke thënë se “ti mund të bësh gjithçka” për gratë “kur je një yll”.
Pamjet tregojnë gjithashtu se ai i përshkruan akuzat e Carroll si “historia më qesharake, e neveritshme dhe se është thjesht e sajuar”.
