Ambasadori i Serbisë në SHBA, Marko Gjuriq, ka thënë se akuzat e Kosovës ndaj djalit të presidentit të Serbisë, Danilo Vuçiq, tregojnë se “konflikti i rrezikshëm hibrid” i Albin Kurtit me Serbinë nuk ka pushim, pavarësisht thirrjeve të vazhdueshme nga SHBA dhe BE.
“Në një seri tjetër lëvizjesh të regjimit të Aljbin Kurtit në shkallët e përshkallëzimit – zyrtarët më të lartë të regjimit kanë vënë në shënjestër Danilo Vuçiqin, djalin e presidentit të Serbisë, Aleksandar Vuçiq, duke bërë akuza të rrepta të rreme me qëllim të denigrimit të mëtejshëm të Serbisë dhe duke delegjitimuar qeverinë e saj”, ka deklaruar Gjuriq në rrjetin social “X”.
Ai theksoi se, në të njëjtën kohë, sundimi i terrorit vazhdon çdo ditë në terren.
“Sot, forcat e Kurtit hipën në një ambulancë dhe penguan dërgimin e mjeteve jetike në një objekt mjekësor. Dje kanë kryer fluturime stërvitore të dronëve vrasës mbi Gjakovë, duke vazhduar kështu grumbullimin e paparë të forcave speciale të Kurtit në veri të Kosovës. për të 20-tin muaj me radhë, në kundërshtim me nenin 9. të Marrëveshjes së Brukselit”, përkujton Gjuriq.
Ai beson se Kurti i demonstron gjithë botës ditë pas dite, muaj pas muaji, se nuk është partner për normalizim, se kurrë nuk planifikon të përmbushë detyrimin për formimin e Bashkësisë së Komunave me shumicë serbe dhe se ai dëshiron që të gjithë serbët të largohen nga Kosova.
